هذه محاورة جميلة بين اثنين من اجزل الشعراء
والتي تعجبني محاوراتهما دائما واستمتع بها
هما :
الشاعر الرائع / معدي النايفة
والشاعر المميز / الرهاوي
وكانت بعنوان : الليل الليل يالرهاوي
بدأ الشاعر / معدي النايفة طاروقه مستخدما اسلحته الشعريه بكل قوته يقول :
قم يالرهاوي ما دام انك وقعت بيدي
والله ماأجنب يالين انك تلقى الخـلا
اصافح سهيل والد النضـر للجـدي
لا تعترض لي ترى ما عاد حنا عملا
::::::::::::::::::
وكان له بالمرصاد الشاعر الجزل الرهاوي فقال :
يامعدي النايفه لو تحتـزم وتعـدي
منته بويا الرهاوي لو تجيب ازملا
مادامني شيخ منظريارجل بالبـدي
خلك على الهون دام اقول لك ياهلا
وأتحفنا معدي النايفه بهذا الرد
ما بيني وبينـك الا سيفـن مهنـدي
وان قلت لي ياهلا ما قلت لك مسهلا
البرق يبرق ولكن ما نشوف بـردي
والله لحمسك مثل حمس البصل لا قلا
واستمر له بالمرصاد شاعرنا الرهاوي يقول
شوي بتقول يامعدي لنا سيدي
السيف بخباه ماسرك ولا جملا
اليابرق برقنا ياصاحبي تهجدي
دورلك اليوم يامعدي ثنين اكفلا
الله .. الله .. عاااشوووو .. عاااشوووو
ونشوف رد معدي النايفة
خلك هنيا يا بنت النيل ثم زغردي
ترى الرهاوي وقع ذا الليله مكبلا
قال جهراوي ولكن ساكن الاحمدي
اثر علومك كثيره ياقليـل الحـلا
ونشوف رد الشاعر القدير / الرهاوي
لوزرغدت واحتما الميقاف تاتارقدي
دورطمان الاراضي كب عنك العلا
الحردايم براس المعتلـي يالـردي
ذليل فيك البلا ياذيـب فيـك البـلا
وايضا كان له بالمرصاد شاعرنا معدي النايفه فقال
حنا بروس النوايف وانـت لا تحتـدي
لا جاك عمك تجدد له عضيـم الـولا
لا تنحر طويق وانته من ورى الاجردي
هذا صعيه على شـرواك يـا مهمـلا
:::::::::::::::::::::::::::::::::::::::::
والى هنا كانت الخاتمة
وقد كان طاروقا جبارا بين الشاعرين
بحضور عدد كبير من الصفوف المؤازرة
صح السنتهم على هذه المحاورة الرائعة
والى اللقاء في محاورة أخرى
ليست هناك تعليقات:
إرسال تعليق